ከ52 ሚሊየን ዶላር በላይ ባንኮች መመንዘራቸውን አስታወቁ

 

 

 ABN_ የኢትዮጵያ ንግድ ባንክ ባለፉት 11 ቀናት ከ42 ሚሊየን ዶላር በላይ የውጭ ምንዛሬ ማካሄዱን ገለጸ።

 

የአዋሽ ባንክም ባለፉት አስራ አራት ቀናት ከ10 ሚሊየን ዶላር በላይ የውጭ ምንዛሬ ማካሄዱን አስታውቋል።

ጠቅላይ ሚኒስትር ዶክተር አብይ አህመድ ግለሰቦች የያዙትን የውጭ ሀገር ገንዘብ በባንክ እንዲመነዝሩ መልእክት ካስተላለፉ በኋላ በባንክ እየተካሄዱ ያሉ የውጭ አገራት መገበያያ ገንዘቦች በከፍተኛ ሁኔታ እየጨመረ ነው።

የኢትዮጵያ ንግድ ባንክ ተጠባባቂ የኮርፖሬት ኮሙኑኬሽን ዳይሬክተር ወይዘሮ ገነት ሀብቱ ፥ባንኩ ባለፉት 11 ቀናት በአማካኝ በቀን ከ3 ነጥብ 9 ሚሊየን ዶላር በላይ መንዝሯል።

ከዚህ በፊት ባንኩ በአማካይ ከ650 ሺህ ዶላር በላይ የውጭ ምንዛሬ የማያካሄድ ሲሆን በአሁን ወቅት ከስድስት እጥፍ በላይ ማደጉን ተናግረዋል።

የአዋሽ ባንክ የውጭ ምንዛሬ ግብይቱ በከፍተኛ ሁኔታ ማደጉን ያስታወቀ ሲሆን፥ ባለፉት 14 ቀናት ብቻ በተለያዩ የባንኩ ቅርንጫፎች ከ10 ሚሊየን ዶላር በላይ የውጭ ምንዛሬ መካሄዱን ተጠቁሟል።

ምንጭ፦ ኢዜአ

 

Leave a comment

Your email address will not be published. Required fields are marked *